توركجهميزده كؤك تك هجالي سؤزجوكدور و دوزلمه سؤزجوكلرين تملي ساييلير و ايكي جورهدير: 1.اسم كؤكو. 2.فعل كؤكو.
اسم كؤكو فعل اولماز و فعل كؤكوندنده اسم كؤكونه كئچيلمز. ادات و ضميرلرايسه فعل اولانماز و لاكين اسم اولا بيلرلر. اونلاري باشقا كؤك سايميريق. بعضي كؤكلر ايسه جوت آنلامليديرلار. يعني هم اسم و هم فعل كؤكو ساييليرلار. «داد-» كؤكو كيمي. بئله كؤكلر اسكي توركجهميزده بير آنلاملي ايديلر.
فعل كؤكو حركت بيلديرر و لاكين اسم كؤكونده حركت آنلامي يوخدور.
اك ək نهدير؟
بير أونلو و يا بير أونلو و نئچه أونسوزدن قورولان، كؤكون و يا گؤودهنين سونونا آرتيريلان، اونون دورومونو تعيين ائدن و يا يئني سؤزجوك تؤرهدن و تكليكده آنلامي اولمايان تكسس و يا سس بيرلشيمينه «اكək » دئييلير. بئلهليكله، دئيه بيلهريك كي «اك» بير و يا داها چوخ سسدن قورولار.
توركجهميزدهكي اكلر، باشقا ديللرده اولان اؤن اك (= پيشوند)، ايچ اك (=ميانوند) سون اك (= پسوند)لره بنزهمز. توركجهميزده بير تك اك ايله، باشقا ديللرده بير چوخ سؤزجوك قورولوشو ايله چاتديريلان آنلامي چاتديرماق اولار.
توركجهميزده اكلر تك هجالي اولورلار و دالبادال بير – بيرينه ياپيشيب بير اكلر زنجيري قورا بيلرلر.ميثال:
فارسچيلاشديراماديقلاريميزدانمي سينيز ؟ (13 اك)
(Fars+çı+laş+dır+a+ma+dıq+lar+ı+mız+dan+mı+sın+ız)
ادامه مطلب ...